Leikkonan Katherine Heigl eignaðist son fyrir fjórtán mánuðum. Nú er Heigl búin að koma sér í sitt gamla form aftur og sýndi frá ferðalaginu á Instagram.
Heigl segir að ferðalagið hafi gengið hægt en hún birti þrjár myndir af sér sú fyrsta var einum mánuði eftir fæðinguna, sú næsta var tekin um ári eftir fæðinguna og þriðja myndin var tekin um síðustu helgi.
„Ég er svo þakklát fyrir að hafa fengið heilt ár til þess að finna þessa magavöðva,“ skrifaði Heigl við myndina og er ánægð með að hafa ekki verið tilneydd til þess að koma sér aftur í gott form á stuttum tíma.
Heigl hefur verið dugleg undandarið en hún var ákveðin í því að reyna ná af sér síðustu kílóunum þar sem hún var á leiðinni í frí á sólarströnd og byrjar í nýrri vinnu í apríl en Heigl er nýgengin til liðs við leikaralið sjónvarpsþáttanna Suits.
A post shared by Katherine Heigl (@katherineheigl) on Feb 19, 2018 at 11:21am PST