Oprah Winfrey ætlar gefa 500 þúsund dollara eða um 50 milljónir íslenskra króna til styrktar kröfugöngu í Bandaríkjunum í mars þar sem krafist verður hertari laga um skotvopn. Winfrey tilkynnti um framlag sitt eftir að hjónin George og Amal Clooney tilkynntu að þau hygðust gefa 500 þúsund dollara.
Winfrey tilkynnti um ákvörðun sína á Twitter þar sem hún sagðist ekki geta verið meira sammála Clooney-hjónunum.
George and Amal, I couldn’t agree with you more. I am joining forces with you and will match your $500,000 donation to ‘March For Our Lives.’ These inspiring young people remind me of the Freedom Riders of the 60s who also said we’ve had ENOUGH and our voices will be heard.
— Oprah Winfrey (@Oprah) February 20, 2018
Nemendur við skóla í Flórída þar sem maður skaut 17 manns til bana í síðustu viku standa fyrir viðburðinum. Sagði Gorge Clooney í tilkynningu samkvæmt E! að framtak unga fólksins hefði veitt honum og eiginkonu hans innblástur, fjölskylda hans myndi ganga 24. mars. Framlagið var gefið í nafni ungra tvíbura þeirra, Ellu og Alexander.
Lady Gaga, Justin Bieber, Morgan Freeman og Steven Spielberg eru einnig sögð hafa lagt málefninu lið. Grínleikkonan Amy Schumer afþakkaði einnig gjafir þegar hún gifti sig í síðustu viku og bað um að fólk styrkti frekar málefni tengd skotvopnaöryggi.