Síðasta vika var viðburðarík hjá Nikolai Danaprins. Afi hans, Hinrik prins, var borinn til grafar í vikunni, aðeins nokkrum dögum áður kom hann fram á tískusýningu Burberry á tískuvikunni í Lundúnum.
Nikolai er 18 ára og sjöundi í erfðaröð dönsku krúnunnar en hann er sonur Jóakims Danaprins og fyrrverandi eiginkonu hans Alexöndru greifynju. Hann tók þátt í tískusýningunni þrátt fyrir lát afa síns en ritari konungsfjölskyldunnar sagði við Eksta Bladet að þáttaka Nikolai hafi verið skipulögð með löngum fyrirvara.
Nikolai var við útför afa síns á þriðjudaginn auk þess sem hann heimsótti hann á spítalann rétt áður en hann lést.