Leikkonan Rachel McAdams er sögð eiga von á barni með kærasta sínum, handritshöfundinum Jamie Linden. McAdams heldur einkalífi sínu vel utan sviðsljóssins en athygli vakti þegar hún mætti ekki á frumsýningu nýjustu myndar sinnar, Game Night, í vikunni.
E! greinir frá því að margir heimildamenn hafi staðfest óléttu McAdams þó svo að Notebook-stjarnan hafi ekkert gefið upp.
Mun þetta vera fyrsta barn McAdams en hún hefur áður sagt frá því að hana langi til þess að verða móðir.