Skilin stuttu eftir að heilaæxli var fjarlægt

Breska leikkonan Claire Foy hefur tilkynnt að hún og eiginmaður hennar, leikarinn Stephen Campbell, séu skilin að borði og sæng. Hjónin hafa verið gift í fjögur ár og eiga saman tveggja ára gamla dóttur. 

Foy sló í gegn árið 2016 fyrir hlutverk sitt sem Elísabet Englandsdrottning í sjónvarpsþáttunum The Crown á Netflix. Á meðan stjarna Foy hefur risið hratt hefur Campbell glímt við veikindi. 

Campell þurfti að láta fjarlægja heilaæxli úr sér síðastliðið sumar í annað sinn á fimm árum. Líklegt er að hjónin hafi slitið samvistir um það leyti eða stuttu eftir það miðað við orð Foy en í yfirlýsingu frá henni samkvæmt Daily Mail slitu þau sambandinu fyrir allnokkru. 

„Við, eins og allir aðrir, aðlögumst nýjum aðstæðum. Það sem er eðlilegt í dag er ekki eðlilegt á morgun, það er bara það sem er að gerast,“ sagði Cambpell um skyndilega frægð eiginkonu sinnar í viðtali við Telegraph í lok september í fyrra. 

Foy í The Crown.

• Blogga um frétt