Tónlistarmaðurinn Bobby Brown efast um að fyrrverandi eiginkona hans, söngkonan Whitney Houston, hafi dáið af völdum fíkniefna þrátt fyrir að það komi fram í skjölum dánardómstjóra í Los Angeles að hún hafi neytt kókaíns fyrir lát sitt.
„Ég held að hún hafi ekki dáið af völdum fíkniefna,“ sagði Brown í viðtali við Rolling Stone. „Hún var að vinna mikið í sjálfri sér til þess að reyna að vera edrú.“
Var Brown ekki einungis sannfærður um að fíkniefni hafðu ekki verið ástæða dauða Houston þar sem hann tók einnig fyrir að efni hefðu fundist í líkama hennar. Ástæða dauðans væri frekar sorg.
Sex ár eru síðan að söngkonan drukknaði í baði á hótelherbegi sínu. Hjarta Houston var orðið slæmt og gerði kókaínneyslan illt verra. Dóttir þeirra Brown og Houston, Bobbi Kristina Brown, lést þremur árum seinna, einnig í baði, en hún hafði líkt og móðir sín tekið inn fíkniefni.