Tónlistarhátíðin Sónar Reykjavík fór vel af stað í gær og var mikil stemming í Hörpu að sögn skipuleggjenda. Meðal þeirra sem komu fram í gær voru Danny Brown, TOKiMONSTA, The Joey Christ Show, Vök, Blissful, GusGus, Cyber auk fleiri.
Hátíðin fer fram í Hörpu um helgina á fjórum sviðum. Alls er boðið upp á tónleika rúmlega 50 hljómsveita og listamanna á hátíðinni, meðal annars í bílakjallara hússins sem breytt verður í næturklúbb.
Aldarfjórðungs afmæli Sónar er fagnað á hátíðinni í Reykjavík. Sónar hófst í Barcelona árið 1994 og síðan hafa Sónar hátíðir farið fram á nokkrum vel völdum stöðum í heiminum. Fyrsta Sónar hátíð ársins 2018 fer fram á Íslandi. Í kjölfar Sónar Reykjavík fara síðan fram Sónar hátíðir í Hong Kong, Istanbul, Barcelona, Bogotá og Buenos Aires síðar á árinu.
Í kvöld koma meðal annarra fram Sykur, Reykjavíkurdætur, Nadia Rose, TroyBoi, Bjarki og Underworld. Nánari dagskrá fyrir kvöldið má nálgast hér.
Gestir hátíðarinnar skemmtu sér vel í gær líkt og sjá má á þessum myndum: