Giftu sig aftur nokkrum mánuðum seinna

Prinsinn Kristján af Hanover giftist Alessöndru de Osma í fyrsta skipti í nóvember í London. Þau endurnýjuðu heit sín í San Pedro-kirkjunni í Lima á föstudaginn í síðustu viku og héldu loks veislu á laugardaginn. 

Daily Mail greinir frá því að hjónin hafi haldið veislu í Lima á laugardagskvöldið til þess að fagna brúðkaupinu, en hin de Osma er frá Perú.

Bresku prinsessurnar Beatrice og Eugenie mættu og fögnuðu með fjarskyldum frænda sínum. Ofurfyrirsætan Kate Moss lét líkt og prinsessurnar ekki smá ferðalag stoppa sig. 

Kristján kynntist eiginkonu sinni árið 2005 þegar hún var leiðsögumaður hans í Perú. Þau hófu þó ekki ástarsamband strax þar sem de Osma var aðeins 14 ára gömul heldur héldu áfram að vera vinir. Árið 2011 byrjuðu þau hins vegar að hittast og hafa búið í Madríd undafarin ár.

Alessandra de Osma og Kristján af Hanover. AFP

• Blogga um frétt