Magnús Scheving peppaði mannskapinn

Það var mikil stemmning meðal starfsmanna Origo á föstudaginn var þegar Ofurhetjudagar voru haldnir í fyrirtækinu. Magnús Scheving setti Ofurhetjudagana og fór á kostum eins og honum einum er lagið en þessir dagar eru nýsköpunarkeppni hugbúnaðarsviðs fyrirtækisins.

Starfsmenn Origo þurftu svo sannarlega að taka vel á því undir handleiðslu íþróttaálfsins.

„Þetta var mikið fjör og braut heldur betur upp hefðbundinn vinnudag. Íþróttaálfurinn blés öllum svo sannarlega anda í brjóst og það voru fjölmargar hugmyndir sem fæddust. Markmiðið með ofurhetjudögum er að skapa virðisaukandi lausnir fyrir viðskiptavini og viðhalda einum eina og sanna nýsköpunaranda innan fyrirtækisins," segir Gísli Þorsteinsson, markaðsstjóri Origo.

mbl.is