Jake Gyllenhal með minnstu hæfileikana

Drew Barrymore vissi ekki hverju hún átti von á þegar James Corden, þáttarstjórnandi The Late Late Show, bauð henni að taka þátt í spurningaleiknum Spill Your Guts.

Í leiknum eru gestir þáttarins spurðir spurninga og þurfa þeir að velja á milli þess að svara spurningunni eða borða eitthvað mjög ógeðfellt á borð við fuglshráka, fiskiaugu og kalkúnaeista. Þegar Drew var beðin um að raða mótleikurum sínum Adam Sandler, Hugh Grant og Jake Gyllenhaal upp eftir því hver væri með mestu og minnstu hæfileikana ákvað leikkonan að svara spurningunni í stað þess að borða kalkúnaeistu. Hún setti Adam Sandler efst, svo kom Hugh Grant og af þessum þremur var Jake Gyllenhaal með minnstu hæfileikana að hennar mati.

Hér fyrir neðan má sjá myndbandið af Drew velja á milli þess að svara erfiðum spurningum eða setja frekar ógeðfelldan mat upp í sig.

• Blogga um frétt