„Nei ég er bara feit akkúrat núna“

Leikkonan Drew Barrymore tók sér tak í mataræðinu þegar hún var við tökur á þáttunum Santa Clarita Diet. Á milli upptökutímabila nýtur hún þess að borða góðan mat, kannski svo vel að um daginn gerði ókunnug kona ráð fyrir því að hún ætti von á barni. 

Barrymore segist hafa misst tæp tíu kíló í fyrstu þáttaröðinni, hún varð vegan og borðaði lítið að eigin sögn. Eftir tökurnar byrjaði hún hins vegar að njóta lífsins aftur en þurfti að grenna sig fyrir aðra þáttaröð þar sem hún þurfti að vera í sama líkamlega forminu. Sagan endurtók sig og eftir tökur á annarri þáttröðinni er hún byrjuð að borða það sem hana langaði í. 

Í þætti James Corden á dögunum lýsti hún því þegar ókunnug kona sagði við hana að hún ætti greinilega von á barni. „Nei, ég er bara feit núna,“ svaraði Barrymore konunni.

• Blogga um frétt