Breski tónlistarmaðurinn Sam Smith hefur töff fatastíl eins og sést á Instagram-reikningi hans. Þar klæðist hann Jökla Parka úlpu frá íslenska fataframleiðandanum 66° Norður.
„Ég elska aðdáendur mína svo mikið,“ skrifaði Smith við myndina en þar heldur hann á blómvönd sem hann fékk frá dyggum aðdáanda.
Sam Smith er heimsþekktur fyrir lög sín Stay With Me og I'm Not the Only One. Auk þess söng Smith nýjasta Bond lagið, The Writings on the Wall, fyrir kvikmyndina Spectre.
Sam Smith bætist því í hóp þekktra erlendra leikara og söngvara sem klæðast fötum frá íslenska fataframleiðandanum. Má þar nefna Hollywood leikarana Matthew McConaughey, Scarlett Johansson, Jake Gyllenhall, Eli Roth og leikstjórann Quentin Tarantono auk tónlistarfólksins Beyoncé, Jay-Z, Big Sean og Party Next Door.