Það var mikið um dýrðir í Lundúnum í gærkvöldi þegar blásið var til mikillar tónlistarveislu til heiðurs Elísabetu Bretadrottningu sem fagnaði 92 ára afmæli. Tónleikarnir fóru fram í Royal Albert Hall. Tónlistarmenn á borð við Sting, Tom Jones og Kylie Minogue voru á meðal þeirra sem stigu á stokk.
Elísabet kom sjálf fram í lokin þar sem sonur hennar, Karl Bretaprins, fékk viðstadda til að hrópa fyrir húrra fyrir drottningunni.
Bræðurnir Vilhjálmur og Harry bretaprinsar voru einnig á meðal gesta, einnig unnusta Harrys, Meghan Markle.
Elísabet hefur alla jafna haldið upp á afmælið með lágstemmdum hætti, og gert meira úr því þegar hún á í raun afmæli í júní. Hún tónleikarnir voru haldnir til styrktar nýjum samtökum sem aðstoða ungt fólk í samveldinu sem alls 53 ríki tilheyra.