Veðmangarar hafa að sjálfsögðu efnt til veðmáls um hvaða nafn þriðja barn Vilhjálms Bretaprins og Katrínar hertogaynju mun fá. Sonur þeirra fæddist í gær en fyrir eiga hjónin Georg og Karlottu.

Nokkur hefð er fyrir nafngiftum hjá bresku konungsfjölskyldunni og komu nöfn fyrri barnanna tveggja úr þeim ranni. En hvaða nafn er líklegt að litli prinsinn fái?

Mörg hefðbundin kónganöfn hafa verið nefnd og eru Arthur, Albert og Filippus þar efst á blaði að mati almennings. En í frétt BBC segir að sumir sérfræðingar segja að mögulegt sé að farið verði í allt aðra átt við nafngiftina og að líkur séu á að prinsinn fái nafn sem tengist fjölskyldu Katrínar.

Georg litli heitir fullu nafni Georg Lúðvík Alexander og er skírður í höfuðið á hvorki fleiri né færri en sex konungum. Karlotta Elísabet Díana, yngri systir hans, er skírð í höfuðið á ömmu sinni og langömmu. 

Sérfræðingar sem BBC ræðir við segja hins vegar líklegra en ekki að prinsinn fái nafn sem tengist bresku konungsfjölskyldunni. 

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt