Thandie Newton stígur ánægð fram í umræðunni um launakjör leikkvenna og tilkynnir að hún muni fá sömu laun og mótleikarar hennar af hinu kyninu í 3. þáttaröð Westworld.
Tilkynningin kom í kjölfar frétta um að HBO hafi samþykkt að hækka laun Evan Rachel Woods í takt við mótleikara hennar af hinu kyninu í nýrri seríu þáttaraðarinnar.
Newton ræddi launamálin á síðum Vanity Fair. Grundvallaforsendan að hennar mati er að hafa hlutina uppi á borðunum í þessum málum. Hún segist hörð í samningatækni. „Þetta eru spennandi tímar, og þetta eru tímamót. Þetta er heiðarlegt og slekkur á öllum þeim tilfinningum sem vakna þegar þessir hlutir eru ekki í lagi,“ segir hún.
Að auki segir Newton að í framtíðinni muni hún ekki taka þátt í verkefnum nema þau séu á þessum nótum. Jöfn laun fyrir sömu vinnu sé forsenda hennar þátttöku í leiklist. Hún segist vera stolt af HBO. Fyrirtækið er að taka sér sterka stöðu í iðnaðinum og er fyrst og þess vegna leiðandi á þessu sviði.