Forsetafrúin, Melania Trump, var ekki á því að leiða eiginmann sinn í gær þegar Trump-hjónin stilltu sér upp með forsetahjónum Frakklands. Þetta er ekki í fyrsta skipti sem klaufaleg samskipti hjónanna komast í fréttir en Melania hefur áður reynt að komast hjá því að leiða eiginmann sinn.
Twitter-notendur komu auga á hvernig Melania hunsaði Donald þegar hann læddi fingri sínum í hönd hennar til þess að leiða hana. Forsetinn gafst ekki upp en Melania streittist á móti þangað til að hún virðist hafa gefist upp og tók hún loks í hönd eiginmanns síns.
Trump attempts to hold Melania's hand at President Emmanuel Macron's arrival at the South Lawn: pic.twitter.com/NlBlcdZ29s
— Braxton (@braxtonryn) April 24, 2018
Mikið hefur gengið á hjá Donald Trump að undanförnu og ekki bara á sviði stjórnmálanna. Klámmyndaleikkonan Stormy Daniels steig fram á árinu þar sem hún sagði frá sambandi sínu og Donalds Trump. Daniels segist hafa átt í sambandi við Trump á árunum 2006 til 2007, skömmu eftir að eiginkona hans Melania Trump eignaðist barn þeirra.