Ariana Grande á lausu

Tónlistarparið Ariana Grande og Mac Miller eru hætt saman eftir tæplega tveggja ára langt samband. Grande mætti ein á Met Gala-kvöldið á mánudaginn en parið sást síðast saman í Óskarsverðlaunapartíi Madonnu í mars. 

Það er mikið að gera hjá parinu og er það helsta ástæða sambandsslitanna samkvæmt E!. Þau eru þó sögð elska hvort annað enn en bara sem nánir vinir. „Ég virði og dái hann endalaust og er þakklát fyrir að hafa hann í lífi mínu í hvaða mynd sem er, hvenær sem er óháð því hvernig samband okkar breytist,“ skrifaði Grande á Instagram. 

Grande og Miller hafa gengið í gegnum margt saman en fyrir ári var gerð hryðjuverkaáras í lok tónleika söngkonunnar í Manchestar. 

• Blogga um frétt