Leikarinn John Cleese er mættur á klakann en Cleese kemur fram í Hörpu í vikunni. Cleese er búinn að spóka sig um í miðborginni og snæddi á veitingastaðnum Jamie's Italian á Hótel Borg í dag.
Cleese er breskur rétt eins og kokkurinn Jamie Oliver og kannast því líklegast við staðinn sem er að finna víða. Veitingahúsið birti mynd af Cleese ásamt vaktstjóra á staðnum henni Maríu Erla en fram kemur á Instagram að hún og Cleese hafi náð vel saman og mikið hafi verið hlegið.
Cleese kemur fram í Hörpu í sýningu sinni Last Time to See Me Before I Die en í henni deilir hann sögum og minningum með áhorfendum sem hann hefur sankað að sér á 40 ára ferli sínum.
A post shared by Jamie´s Italian Hotel Borg (@jamiesitalianiceland) on May 16, 2018 at 7:36am PDT