Caitlyn Jenner hefur verið að slá sér upp með hinni ungu transkonu Sophia Hutchins síðan á síðasta ári. Í fyrstu voru þær bara sagðar vinkonur en nú eru þær jafnvel sagðar vera að íhuga brúðkaup.
Fram kemur á vef In Touch að Hutchins sé 21 árs gömul fyrirsæta og nemi og því jafngömul fyrirsætunni Kendall Jenner sem er næstyngsta barn Caitlyn Jenner. Töluverður aldursmunur er því á þeim stöllum en Jenner verður 69 ára seinna á árinu.
Jenner hefur ekki átt gott samband við börn sín úr hjónabandinu með Kris Jenner eftir að hún hóf kynleiðréttingaferlið og skrifaði bók sem fór fyrir brjóstið á systrunum. Eru þær Kendall og Kylie Jenner sagðar hafa frétt af sambandinu frá vinum sínum og það hafi komið þeim í uppnám.
Þær Caitlyn Jenner og Sophia Hutchins eru þó sagðar líta á sig sem sálufélaga og þó svo að talsmaður Jenner hafi neitað brúðkaupsorðrómnum er ljóst að Jenner leikur stór hlutverk í lífi Hutchins.
A post shared by Sophia Hutchins (@hutchins_sophia) on May 14, 2018 at 2:15pm PDT
A post shared by Sophia Hutchins (@hutchins_sophia) on Apr 28, 2018 at 10:29am PDT