Pippa Middleton, systir Katrínar hertogaynju, á von á barni ásamt eiginmanni sínum, James Matthews, í haust. Fréttir af óléttu hennar hófu að birtast um svipað leyti og systir hennar fór á fæðingardeildina þar sem hún átti sitt þriðja barn, Lúðvík prins, en hann kom í heiminn þann 23. apríl.
Pippa var viðstödd brúðkaup Harrys Bretaprins og Meghan Markle í gær og vakti mikla athygli fyrir klæðnað sinn, bleikan og myntugrænan kjól frá Alexander McQueen. Einhverjir veltu fyrir sér hvort að hún væri ólétt og það upplýsist hér með að það er rétt líkt og People og fleiri slúðurmiðlar hafa fjallað um í gær og síðustu daga.
Pippa og James giftu sig þann 20. maí í fyrra og fagna þau því eins árs brúðkaupsafmæli í dag.