Er að missa hárið

Jada Pinkett Smith hefur sést með túrban upp á síðkastið en ástæðan er sú að leikkonan hefur verið að missa hárið. Pinkett Smith opnaði sig um vandamálið í Facebook-þætti sínum þar sem hún ræðir hin ýmsu málefni við móður sína og dóttur á opinskáan hátt.  

„Ég hef verið að fá fullt af spurningum um það af hverju ég hafi verið að nota þennan túrban,“ sagði Pinkett Smith. „Ég hef átt í vandamáli með hárlos. Og ég var dauðhrædd þegar það byrjaði.“ Leikkonan tók fyrst eftir vandamálinu þegar hún var að þvo á sér hárið í sturtu en hélt allt í einu á stórum hárbrúski. 

Í fyrstu byrjaði Pinkett Smith sem skartaði lengi vel miklu og fallegu hári að klippa á sér hárið. Nú gengur hún oft um með túrban og kann að meta það. 

Læknar hafa ekki greint hana en hún telur að hárlosið sé tengt stressi. Þrátt fyrir að hafa verið hrædd í byrjun segir Pinkett Smith að vandamálið gæti verið verra enda fólk þarna úti sem glími til dæmis við krabbamein. 

• Blogga um frétt