Vill þrisvar sinnum hærri upphæð frá Spears
Setja bókamerki
Barnsfaðir Birtney Spears, Kevin Federline, stóð við það sem hann hafði áður gefið út og hefur farið í mál við Britney Spears og krefst hærra meðlags. Vefurinn The Blast hefur undir höndum dómsskjöl sem lögmaður Federline lagði fram.
Þar segir Federline sem var áður dansari hjá Spears að hann sé orðinn of gamall til þess að dansa. Hann starfi nú sem plötusnúður og áætluð laun hans á þessu ári eru um 3.000 dollarar á mánuði eða rúmlega 317 þúsund íslenskar krónur. Hann telur sig þéna minna en eitt prósent af því sem barnsmóðir hans þénar.
Federline fær 20 þúsund dollara á mánuði frá Spears en það eru rúmar tvær milljónir íslenskra króna. Samkomulagið var gert árið 2007 en nú telur Federline forsendurnar aðrar og vill hærri upphæð. Í viðtali við UsWeekly segir lögmaður Federline að fyrrverandi dansarinn vilji fá að minnsta kosti þrisvar sinnum meira en hann fær nú frá Spears og er það einungis til þess að koma til móts við þarfir barna þeirra.
Britney Spears og Kevin Federline giftu sig árið 2004 en söngkonan sótti um skilnað í lok árs árið 2006. Saman eiga þau synina Sean Preston Federline 12 ára og Jayden James Federline 11 ára.
Sex hafa greinst með listeríu
Telur forsendur fyrir vaxtalækkun
Eyjafjarðarbraut lokað vegna alvarlegs umferðarslyss
„Það þarf að vinna mikinn fjölda upp“
„Umsátursástand“
Shakespeare fannst í skókassa
Skiptir miklu meira máli en fólk grunar
Árshátíð ríkislögreglustjóra haldin í Tékklandi