Næsta James Bond mynd verður frumsýnd 25. október 2019. Um er að ræða 25. kvikmyndina um njósnarann og hefjast tökur 3. desember í Pinewood-upptökuverinu í Bretlandi.
Óskarsverðlaunahafinn Danny Boyle leikstýrir myndinni og skrifar handritið og Daniel Craig fer með hlutverk njósnarans, 007.
John Hodge skrifar handritið með Boyle en þeir unnu saman að kvikmyndinni Trainspotting á sínum tíma.
Þeir Hodge hafa unnið saman að þremur kvikmyndum sem Boyle leikstýrði, Trainspotting, T2: Trainspotting og The Beach.
Craig staðfesti í ágúst að hann myndi leika í myndinni en hún er sú fimmta í röð þar sem hann fer með hlutverk James Bond. Þær fyrri eru: Casino Royale, Quantum of Solace, Skyfall og Spectre.
Kvikmynd Boyle, Slumdog Millionaire, var tilnefnd til tíu Óskarsverðlauna og hlaut átta.