Margir hugsa sig tvisvar um áður en þeir breyta algjörlega um hárlit en Kim Kardashian skiptir bara strax aftur um lit ef hún verður leið á hárlitnum sínum. Raunveruleikastjarnan sem er þekkt fyrir dökkan hárlit er enn og aftur orðin ljóshærð.
Þriggja barna móðirin litaði hárið á sér ljóst aftur í tilefni af fjögurra ára brúðkaupsafmæli hennar og Kanye West í gær, fimmtudag. Kardashian sem giftist rapparanum 24. maí árið 2014 segir að ljósa hárið sé í uppáhaldi hjá West.
Went blonde again for my anniversary it’s @kanyewest’s favorite 🔥💋🔥 pic.twitter.com/nvOvPMvJxW
— Kim Kardashian West (@KimKardashian) May 24, 2018
Ekki er langt síðan Kardashian var síðast ljóshærð en hún litaði hárið ljóst í september í fyrra. Undanfarna mánuði hefur hún skartaði dökkum hárlit í anda hennar náttúrulega hárlitar og í byrjun maí mætti hún á Met gala í New York með sítt dökkt hár.