Kanye West er sagður hafa greitt 85 þúsund dollara eða tæpar níu milljónir fyrir mynd af baðherbergi Whitney Houston. Myndin verður notað á nýjustu plötu rapparans Pusha T en West vinnur að plötunni með Pusha T.
Pusha T sagði í viðtali í vikunni að West hefði skipt um mynd á síðustu stundu, mynd sem allir hefðu samþykkt. Nýja myndin var tekin af fjölskyldumeðlimi Houston í laumi árið 2006 og birtist í fjölmiðlum. Á þessum tíma átti Houston við fíknivanda að stríða en söngkonan dó árið 2012 og áttu fíkniefni þátt í dauða hennar.
Í viðtali við Entertainment Weekly segir Pusha T að myndin endurspegli andrumsloftið á plötunni sem að hans mati er skipulögð óreiða.
— KANYE WEST (@kanyewest) May 24, 2018