Brynjar mættur á Twitter

Þingmaðurinn Brynjar Níelsson er kominn með Twitter-aðgang, en hann hefur hingað til verið duglegur að tjá sig á Facebook þar sem ummæli hans hafa oft og tíðum vakið upp talsvert umtal. Fór Brynjar eitt sinn í Facebook-bindindi, en mætti fljótlega aftur á samfélagsmiðilinn.

Í gær sagði Áslaug Arna Sigurbjörnsdóttir, ritari Sjálfstæðisflokksins, frá því að hún væri búin að kynna Twitter fyrir Brynjari. Tók hún þó sérstaklega fram að hún tæki enga ábyrgð á því sem kæmi í kjölfarið.

Brynjar grínast, að öllum líkindum, í dag með að það hafi aftur á móti orðið einhver misskilningur á milli sín og Áslaugar Örnu. „Bað um að koma mér á Tinder en ekki Twitter,“ segir Brynjar í sínu fyrsta tísti.

• Blogga um frétt