Mirror greinir frá því að 9 ára stúlka þurfti að fara í meðferð vegna Fortnite-tölvuleiksins sem börn víða um heiminn eru að spila um þessar mundir.
Í greininni kemur fram að foreldrum stúlkunnar var ekki kunnugt um fíkn tengda tölvuleikjum. Stúlkan fór á fætur á næturnar og spilaði leikinn. Hún pissaði á sig því hún gaf sér ekki tíma til að fara á klósettið. Hún fór í fráhvörf þegar hún hætti að spila svo foreldrarnir sáu sér ekki annað fært en að aðstoða stúlkuna í meðferð. Svo háð varð hún leiknum. Um tíma var hún að spila leikinn í 10 klukkustundir á dag.
Fráhvörfum við leikjafíkn er lýst þannig að börn verða óróleg, þau sýna ofbeldi eða skapofsa. Eiga erfitt með að sjá tilgang með lífinu ef þau eru ekki í tölvuleiknum og er félagsleg einangrun eitthvað sem gerist hægt og rólega í kringum spilun á leikjum á borð við Fortnite.
Hér má lesa greinina í fullri lengd.