Faðir Meghan fékk borgað fyrir viðtalið
Setja bókamerki
Thomas Markle, faðir Meghan hertogaynju af Sussex, kom fram í sjónvarpsþættinum Good Morning Britain á bresku sjónvarpsstöðinni ITV í gær, mánudag. Daily Mail staðhæfir að faðir hertogaynjunnar hafi fengið 7.500 pund fyrir viðtalið eða rétt rúma eina milljón íslenskra króna.
Markle sem á heima í Mexíkó var flogið á lúxushótel í Kaliforníu fyrir viðtalið. Í viðtalinu ræddi hann um samband sitt við dóttur sinnar, meðal annars hvernig hún brást við þegar hann sagði henni að hann gæti ekki verið viðstaddur brúðkaup hennar og Harry Bretaprins.
Daily Mail greinir einnig frá því að Kensington-höll hafi ekki vitað af viðtalinu fyrr en það fór í loftið. Markle lét heldur ekki dóttur sína og eiginmann hennar vita.
Piers Morgan, einn þáttastjórnandanna, staðfesti að faðir Meghan hefði fengið nokkur þúsund pund fyrir viðtalið en hélt því þó fram að peningar hefðu ekki verið megintilgangur Thomas Markle. Segir hann að Markle hefði neitað hærri tilboðum frá bandarískum miðlum.
Stuttu fyrir brúðkaup Harry og Meghan kom í ljós að Thomas Markle hefði sviðsett myndir af sér með götuljósmyndara og fengið greitt fyrir.
„Búið að vera í dreifingu í einhvern tíma“
Ný staða uppi og óvissan meiri
29 nautgripir fundust dauðir
Bjarkey stendur við skammarbréf Svandísar
Segjast ekki vera á kaldri slóð
Hyggjast leyfa fólki að skoða gosið
Ísraelar hefna árásarinnar