Vandræði leikkonunnar Heather Locklear halda áfram. Á sunnudaginn hringdi móðir hennar á neyðarlínuna og var leikkonan í kjölfarið flutt á spítala til þess að gangast undir geðmat.
TMZ greinir frá því að foreldrar Melrose Place-stjörnunnar hafi farið heim til hennar á sunnudaginn. Er Locklear sem er 56 ára sögð hafa verið ofbeldisfull, tekið um háls móður sinnar og lamið föður sinn. Í símtalinu kemur einnig fram að Locklear hafi hótað því að skjóta sjálfa sig.
Í febrúar var Locklear handtekin fyrir heimilisofbeldi og að ráðast á lögreglu en Locklear var ósamvinnufús við handtökuna.