Aðdáendur Eurovision og leikarans Will Ferrells geta glaðst en grínleikarinn mun leika í nýrri grínmynd um keppnina sem kemur út á Netflix. Þetta kemur fram á vefnum Deadline en þar kemur fram að myndin muni einfaldlega heita Eurovision.
Ferrell mun skrifa myndina ásamt Andrew Steele en Steele er þekktur fyrir að skrifa fyrir grínþættina vinsælu Saturday Night Live. Tónlist kemur óhjákvæmilega mikið við sögu en Ferrell söng til að mynda í myndinni Step Brothers auk þess sem hann söng þegar hann kom fram í Satuday Night Live-þáttunum.
Stóra spurningin meðal íslenskra aðdáanda hlýtur að vera sú hvort að Ísland komi við sögu í myndinni.