Leikkonan Eva Longoria eignaðist son í gær, þriðjudag. Um er að ræða fyrsta barn Longoriu sem varð 43 ára í mars en hún er gift mexíkóska viðskiptamanninum José Bastón.
Helo! USA greindi fyrst frá fæðingunni en drengurinn fékk nafnið Santiago Enrique Bastón. Fjölmiðillinn fékk einkaréttinn af fyrstu myndinni af barninu. Myndin sýnir Longoriu með soninn í fanginu á fæðingardeildinni.
Eiginmaður Longori á fyrir þrjú börn með fyrrverandi eiginkonu sinni. Í mars opnaði Longoria sig um móðurhlutverkið. „Við eigum nú þegar þrjú börn, ég á þrjú stjúpbörn svo það er ekki eins og þetta sé neitt nýtt,“ sagði Longoria.