Bandaríska sjónvarpsstöðin ABC hefur ákveðið að halda áfram að segja sögu hinna meðlima Roseanne þáttanna. Nýju „spin-off“ þættirnir munu heita The Conners og fjalla um hina meðlimi þáttanna. Þetta verður að teljast jákvætt því um 200 manns komu að Roseanne þáttunum og misstu þar með vinnuna þegar framleiðslu á þeim var hætt. Þau halda öll starfinu við gerð á nýju þáttunum og mun Roseanne ekki hagnast á þeim.
Þættirnir Roseanne voru teknir af dagskrá þegar leikkonan sem fer með aðalhlutverk þáttanna, Roseanne Barr, fór hamförum á Twitter. Rosenne sagði fyrrverandi ráðgjafa Baracks Obama, fyrrverandi forseta Bandaríkjanna, vera afurð íslamskrar hreyfingar og persóna úr kvikmyndunum The Planet of the Apes. Hún baðst afsökunar á ummælunum en þættirnir voru samt sem áður teknir úr framleiðslu.