Fimmtug og óförðuð

Söngkonan Kylie Minogue fagnaði fimmtugsafmæli sínu í lok maí. Söngkonan heldur ótrauð áfram í tónlistinni á tímamótunum og gaf nýlega út myndband við lagið Golden. Það er óhætt að segja að Minogue sýni sitt rétt andlit í myndbandinu enda án alls farða. 

Myndbandið var tekið á Kúbu og segir Minouge á Instagram-reikningi sínum að það hafi ekki verið notuð nein ljós, ekkert starfsfólk auk þess sem engin farði hafi verið notaður. „Það tók tíma að sannfæra leikstjórann minn, Sophie Muller, en við gerðum það,“ skrifaði Minogue og segir að myndatökumaðurinn hafi einungis notað myndavélina sem hann notar til einkanota við tökur á myndbandinu. 

• Blogga um frétt