Miklu meira en bara vinir

Tónlistarmaðurinn og leikarinn Nick Jonas og leikkonan Priyanka Chopra hafa sést mikið saman að undaförnu og nú virðist sem Jonas hafi staðfest fréttirnar af sambandi þeirra með stuttu myndskeiði á Instagram. Leikkonan sést myndskeiðinu umtalaða og hljóta hjörtun að tákna eitthvað. 

Jonas mætti með Chopra með sér í brúðkaup í fjölskyldu sinni fyrir nokkrum vikum og um helgina voru þau í Mumbai á Indlandi. Eru þau sögð hafa heimsótt móður Chopra í Mumbai en leikkonan er frá Indlandi. 

Parið kynntist fyrst fyrir ári síðan en fréttir bárust af sambandi þeirra í lok maí. Í mái árið 2017 mættu þau saman á Met Gala en ekki er óalgengt að fræg pör opinberi sambönd sín á viðburðinum. Þau voru hinsvegar ekki búin að finna ástina þá óg var ástæðan fyrir því að þau mættu saman sú að þau klæddust bæði hönnun Ralph Lauren. 

• Blogga um frétt