Ástralski körfuknattleiksmaðurinn Ben Simmons segir fyrrverandi kærustu sína, tónlistarkonuna Tinashe, elta sig hvert sem hann fer með núverandi kærustu sinni Kendall Jenner. Tinashe hefur látið sjá sig í öllum partýum sem parið hefur komið í á síðustu vikum og á fimmtudaginn sagði hún við fjölmiðla að Simmons hafi sent sér textaskilaboð í partýi það kvöld. Hún hefur hins vegar komið fram síðar og sagt það hafa verið uppspuna.
Samkvæmt heimildum TMZ hefur Simmons íhugað að auka fjölda lífvarða í kringum sig en hann leikur með Philadelphia 76ers í NBA-deildinni. Simmons og Jenner hafa verið að hittast síðan í maí. Simmons er sagður hafa hætt með Tinashe nokkrum vikum áður.