Þarf ekki að fá vandræðalega mynd með Kardashian

Ríkisstjóri Kaliforníu í Bandaríkjunum, Jerry Brown, segist ekki þurfa að taka vandræðalega mynd með Kim Kardashian West til að gera það sem er rétt. Á sunnudagskvöldið þrýsti Kim á ríkisstjórann að skrifa undir lög sem koma til með að vernda konur í fangelsum í Kaliforníu. Lögin eiga þó eftir að fara í atkvæðagreiðslu í ríkinu og því ekki víst hvort lögin komi til með að enda á borði Brown. 

Talsmaður ríkisstjórans segir að Brown styðji lögin, óháð því hvað raunveruleikaþáttastjarnan setur á samfélagsmiðla og að hann þurfi ekki að taka vandræðalega mynd með henni. Hann muni líklegast skrifa undir lögin verði þau samþykkt í atkvæðagreiðslu. Talsmaður Brown vísar þar í myndina sem Donald Trump bandaríkjaforseti birti á Twitter í kjölfar fundar síns með Kim Kardashian West.

Myndin sem talsmaður Brown vísar í. Brown þarf ekki að fá svona mynd með Kim til að breyta rétt. Mynd/@realDonaldTrump

• Blogga um frétt