Tónlistarmaðurinn og grínistinn „Weird Al“ Yankovic er staddur hér á landi. Hann birti mynd af sér á Twitter í dag sem er tekin við Hegningarhúsið á Skólavörðustíg og virðist hann kunna svo vel við sig að hann segist ætla að breyta nafni sínu í „Weird Al“ Reykjavík.
Officially changing my name to “Weird Al” Reykjavík pic.twitter.com/Rp5NZ4VTiT
— Al Yankovic (@alyankovic) July 13, 2018
Al hinn skrítni er einna helst þekktur fyrir háðslegar útgáfur á vinsælum poppslögurum en hann hefur einnig gefið út sína eigin tónlist. Al, sem heitir réttu nafni Alfred Matthew Yankovic, er fæddur árið 1959 og gaf út sitt fyrsta lag árið 1976. Hann hefur unnið til fernra Grammy-verðlauna á ferlinum og gefið út yfir 150 lög, ábreiður sem og sín eigin.
Meðal hans þekktari verka má nefna útgáfu hans af lagi poppkóngsins Michael Jackson, Beat it, en útgáfa Weird Als heitir einfaldlega: Eat it.