Kris Jenner, höfuð Kardashian/Jenner-fjölskyldunnar og móðir Kylie Jenner, segir velgengni yngstu dóttur sinnar ekki koma sér á óvart. Kylie Jenner er á góðri leið með að verða yngsti „sjálfgerði“ milljarðamæringur sögunnar, en hún er á forsíðu Forbes-tímaritsins í ágúst.
Kris Jenner segir það enga tilviljun að Kylie stefnir í að verða yngsti milljarðamæringur sögunnar. Kylie hafi sett sér markmið, lagt hart að sér og náð því markmiði. Mikið hefur verið rætt um hvort Kylie sé í raun og veru sjálfgerður milljarðamæringur. Kris segir að í huga hennar sé enginn efi hvort Kylie sé sjálfgerð.