Destiny's Child-stjarnan Michelle Williams greindi frá því í gær að hún hefði sjálf farið og leitað sér hjálpar vegna þunglyndis. TMZ greinir frá því að hún hafi innritað sig sjálf á geðheilbrigðisstofnun vegna þunglyndis.
Söngkonan greindi sjálf frá ákvörðun sinni á Instagram. Þar segir hún að í mörg ár hafi hún helgað sig því að auka meðvitund um geðheilbrigði og hvatt fólk til þess að læra inn á hvenær er tími til þess að leita sér hjálpar. „Nýlega hlustaði ég á sömu ráð og ég hef gefið þúsundum um heiminn og leitaði hjálpar frábærs heilbrigðisstarfsfólks.“
Tina Knowles, móðir Beyoncé, sendi Michelle kveðju og sagðist vera stolt af henni og það sama gerði söngkonann Solange Knolews, systir Beyoncé.
A post shared by Michelle Williams (@michellewilliams) on Jul 17, 2018 at 12:01pm PDT