Travis Scott og Kylie Jenner eru framan á nýju hefti GQ. Samkvæmt viðtalinu er Scott rómantískur og mikill fjölskyldumaður.
Travis Scott og Kylie Jenner létu mynda sig opinberlega saman í fyrsta skiptið fyrir ágústhefti tímaritsins. Til að kynna forsíðuviðtalið fær Jenner Scott til að svara nokkrum spurningum um sig. Hún spyr hann meðal annars. Hvar er ég með stærsta örið mitt á líkamanum? „Á fætinum, þeim vinstri,“ svarar rapparinn öruggur með sig.
A post shared by KARDASHIAN / JENNER (@kardahian_jenner) on Jul 17, 2018 at 2:44pm PDT
Sem dæmi um rómantíkina í þeirra sambandi vakti Scott Jenner klukkan sex um morguninn þegar hún átti afmæli. Hann vildi sýna henni hvernig sólin kæmi upp. Hann bauð upp á lifandi fiðluleik og hafði skreytt húsið blómum.
Lesendur blaðsins eru ánægðir með foreldra Stormi á forsíðunni, þótt sumir spyrji af hverju hún þurfi að vera sú sem er fáklædd á forsíðunni.