Glímdi við þunglyndi eftir síðustu plötu

Bandaríska tónlistarkonan Katy Perry segist hafa glímt við þunglyndi eftir að plata hennar Witness kom út í fyrra. Perry er á forsíðu ástralska Vogue í ágúst þar sem hún opnar sig um þunglyndið. Hún segir að eftir útgáfu plötunnar hafi hún upplifað tímabundið þunglyndi og verið niðurbrotin. „Ómeðvitað, treysti ég svo mikið að fá staðfestingu frá almenningi og þegar viðbrögðin voru ekki eins og ég bjóst við, var ég niðurbrotin,“ segir Perry. 

Hún segist hafa verið dregin harkalega niður á jörðina, sem hafi verið gott fyrir feril hennar sem tónlistarkonu. Það hafi þó verið erfitt fyrir hana persónulega. Hún segist vera búin að jafna sig á þunglyndinu og er nú á tónleikaferðalagi um heiminn.

Forsíða ástralska Vogue í ágúst.

• Blogga um frétt