George Clooney lenti í vespuslysi á Ítalíu í síðustu viku. Eiginkona hans Amal Clooney er sögð hafa flýtt sér til hans um leið og hún frétti af slysinu en hjónin eru sögð eiga sérstaklega ástríkt hjónaband.
„Amal vildi ekki fara frá honum,“ sagði heimildamaður People. „Það var augljóst að hún var áhyggjufull.“ Hjónin sáust saman nokkrum dögum eftir slysið þar sem leikarinn sást haltra inn í einkaþotu.
Leikarinn er þó sagður vera kominn aftur til vinnu þó að hann finni enn aðeins til. Heimildamaður segir Clooney mjög þakklátan fyrir heilsu sína og fyrir stuðninginn sem eiginkona hans veitti honum.