Ástralski leikarinn Liam Hemsworth birti myndband af sér og tónlistarkonunni Miley Cyrus á Instagram. Færslan birtist í kjölfar sögusagna um að parið sé hætt saman, óljóst er þó hvort myndbandið sé gamalt eða nýtt. Hemsworth og Cyrus hafa áður glímt við vandamál í sambandi sínu en þau byrjuðu fyrst saman árið 2012. Þau hættu svo saman ári síðar, en tóku aftur upp þráðinn árið 2016.
Sögusagnirnar um sambandsslit þeirra hófust eftir að Cyrus eyddi öllum myndum af Instagram-aðgangi sínum. Þau hafa þó hvorugt staðfest formlega um hvort sambandsslit sé að ræða eða ekki.