Saksóknarinn í Los Angeles hefur lokið nauðgunarrannsókn á Ed Westwick og verður leikarinn breski ekki kærður. Westwick var sakaður um að nauðga þremur konum á síðasta ári. Saksóknari lét málin niður falla fyrir helgi, en í tveimur málanna vantaði sönnunargögn. Það þriðja var látið niður falla vegna þess að konan sem kærði Westwick hvarf skyndilega og ekki næst í hana. Westwick neitaði öllum ásökunum um að hafa nauðgað konunum þremur.
Westwick fagnaði niðurstöðu saksóknarans og sást til hans á flugvelli með kærustu sinni og fyrirsætunni Jessica Serfaty. Westwick er hvað þekktastur fyrir að hafa túlkað persónuna Chuck Bass í unglingaþáttunum Gossip Girl.