Faðir Kanye West, Ray West, greindist með krabbamein í blöðruhálskirtli fyrr á árinu. Kanye flutti föður sinn til Los Angeles svo hann geti fengið bestu mögulegu meðferðina við krabbameininu. Batahorfur eru góðar og gengur vel að vinna gegn krabbameininu samkvæmt heimildum TMZ.
Ray hefur búið í Chigaco síðustu ár og hafa þeir feðgar því ekki umgengist hvor annan mikið. Nú nýta þeir hins vegar tímann vel á meðan Ray dvelur í Los Angeles. Hann hefur eytt miklum tíma með Kanye og barnabörnum sínum þremur, North, Saint og Chicago.