Leikkonan Jennifer Garner þurfti að þiggja aðstoð björgunarmanna á vatni í Svíþjóð á dögunum. Hún og elsta dóttir hennar höfðu farið í kajakferð til að fagna þrettán ára afmæli dótturinnar. Það fór ekki betur en svo að þær mæðgur villtust á sjónum við Stokkhólm og voru komnar á braut fyrir vöruflutningaskip. Þær þurftu því að þiggja aðstoð til að komast heilu og höldnu í land.
Jennifer Garner greindi frá atvikinu á Instagram þar sem hún þakkar Mattiasi, unga manninum sem kom þeim til aðstoðar, fyrir. Mattias er í kajakliði Långholmen Kajak.
A post shared by Jennifer Garner (@jennifer.garner) on Aug 6, 2018 at 12:17pm PDT