Raunveruleikaþáttastjarnan fyrrverandi Kelly Osbourne deildi því með fylgjendum sínum í gær að hún sé búin að vera allsgáð í eitt ár. Ólíkt því sem gengur og gerist með stjörnurnar í Hollywood var það ekki í fréttum að Osbourne hafi fallið.
Osbourne segist hafa nýtt síðastliðið ár vel. „Ég hef eytt síðastliðnu ári í að vinna í sjálfri mér, huga, líkama og sál. Ég þurfti að stíga út úr kastljósinu, leggja vinnuna til hliðar og gefa sjálfri mér tækifæri til að jafna mig og átta mig á því hver í fjandanum ég er, án þess að hafa myndavélarnar í andlitinu,“ skrifar hún.
Osbourne þakkar bróður sínum, Jack, fyrir að hafa svarað í símann fyrir ári síðan og sótt hana.
A post shared by Kelly Osbourne (@kellyosbourne) on Aug 9, 2018 at 12:44pm PDT