Íslensku leikkonunni Heru Hilmarsdóttur bregður fyrir í nýju sýnishorni af þáttunum The Romanoffs sem munu koma á Amazon Video í haust.
The Romanoffs kemur til með að fjalla um sjálfstæðar sögur fólks um heim allan sem telur sig vera komna af Rómanovættinni. Hera mun fara með hlutverk Ondine sem er lýst sem fágaðri persónu sem er þó fær um að fremja illvirki.
Hera er í góðum félagsskap í The Romanoffs en fjölmargir þekktir leikarar fara með hlutverk í þáttunum, meðal annaras Paul Reiser, Christina Hendricks, Diane Lane, Noah Wyle, Ron Livingston og Aaron Eckhart.
Þættirnir munu koma á Amazon Video 12. október og er leikstýrt af Matthew Weiner, en hann skrifaði einnig handritið að þáttunum.