Tvær íslenskar kvikmyndir eru meðal þeirra 49 mynda sem hafa verið tilnefndar til Evrópsku kvikmyndaverðlaunanna í ár. Þetta eru kvikmyndirnar Undir trénu og Kona fer í stríð. Tilkynnt var um tilnefningarnar í morgun.
Yfir 3.500 félagar í Evrópsku kvikmyndaakademíunni munu næstu vikur greiða atkvæði í nokkrum verðlaunaflokkum, svo sem leikstjóra, leikara og leikkvenna. Tilkynnt verður um tilnefningarnar í þessum flokkum 10. nóvember en Evrópsku kvikmyndaverðlaunin verða afhent í Seville á Spáni 15. desember.