Lof mér að falla mun taka þátt í World Cinema-hluta Busan, stærstu kvikmyndahátíðar Asíu, sem fram fer í Suður-Kóreu 4.-13. október.
Þetta er fyrsta Asíufrumsýning myndarinnar, sem leikstýrt er af Baldvin Z. Lof mér að falla verður heimsfrumsýnd á kvikmyndahátíðinni í Toronto á morgun, 6. september, og hér á landi daginn eftir.
Myndin er nú þegar farin að fá góða dóma en fyrsti 5 stjörnu dómurinn er kominn frá Kanada, að því er kemur fram í tilkynningu.